HESTALEIGA OG SKIPULAGÐIR REIÐTÚRAR FYRIR ALLA

Sveitin og Rauðá

Lagt er af stað frá hestamiðstöðinni í Múlakoti. Riðið um sveitina í fallegu umhverfi. Stoppað er við Rauðá sem rennur ofan af hálendinu við Síðu í Skaftárhreppi. Innifalið er kaffi eða kakó með kleinum í þægilegu umhverfi eftir reiðtúrinn.

TÍMI 1. KLST

Verð8800ISK á mann. Hámark í ferð 10
  • Aldurstakmark er 8 ár. Börn eldri en 14 ára þurfa skriflegt leyfi frá foreldrum. Lágmarksfjöldi 2
  • Hestar við allra hæfi

Fjölskyldureiðtúr

Skemmtilegur reiðtúr fyrir alla fjölskylduna þar sem að áherslan er lögð á að börnin fái að kynnast íslenska hestinum, góðu geðslagi hans og kostum. Áður en farið er á bak lofum við börnunum að kemba hestinum, gefa honum tuggu, og kynnast honum betur.

TÍMI 1. KLST

Verð6300ISK á mann. Hámark í ferð 10
  • Lengd er 1 klst. Lengd reiðtúrs er 1/2 klst. Léttar veitingar innifaldar fyrir börn og fullorðna
  • Hestar við allra hæfi

Hittu hestinn

Stoppaðu við í Múlakoti. Við bjóðum þér að koma í hesthúsið til okkar þar sem þaulvanur hestamaður segir frá íslenska hestinum, umgengni við hann, hvernig hann var notaður til sveita. Auk þess fræðsla um fjölbreytileika gangtegunda hestsins og flóru lita sem þetta einstaka hrossakyn hefur. Gott tækifæri til að taka ljósmyndir af sér með hestinum í haga eða á húsi – í hans umhverfi.

TÍMI 1. KLST

Verð3900ISK á mann. Hámark í ferð 10
  • Lengd er 1 klst.

GISTU Í SUMARHÚSI Á HÖRGSLANDI

Sumarhúsin eru vel útbúin og umhverfið friðsælt. Mikið útsýni er frá þeim.

Gisting á Hörgsland er í 13 sumarhúsum. Húsin eru með tveimum svefnherbergjum og svefnlofti með tveimur rúmum, snyrting með sturtu, stofa og eldhús, verönd og kolagrilli. Á svæðinu eru heitir pottar með nuddi og tjaldstæði með salernisaðstöðu og sturtu. Verð á tjaldstæði með sturtu er kr. 1.000.-, fyrir manninn en frítt er fyrir yngri en 12 ára. Leiktæki er fyrir börn, sparkvöllur og körfuboltaspjald.

Góðar gönguleiðir og mikið útsýni eru við bæjardyrnar á Hörgslandi. Lítill skógur er fyrir ofan sumarhúsin, og fjölbreytt fuglalíf er á svæðinu.

Fyrir frekari upplýsingar og bókanir vinsamlega sendið tölvupóst eða bókið á bókunarsíðu sumarhúsanna.

SÉRSNIÐNAR HESTAFERÐIR FYRIR HÓPA

Kynnstu héraðinu á hestbaki með leiðsögumanni. Við erum með góða hesta við allra hæfi.

Má þar nefna einstaka náttúrufegurð Skaftár, og sandana meðfram henni þar sem um þá renna tærar bergvatnsár í Skaftá. Einnig Lómagnúp í allri sinni dýrð og þar eru fallegir staðir til stoppa á og ljósmynda. Núpstaðaskógur er einstakur birkiskógur í jöklaríki. Ferðin þangað inneftir er einstök á hestbaki. Mikil nánd skapast við krafta náttúrunnar og um leið fegurð staðarins. Mikið ævintýri það.

Riðið er eftir óskum knapanna og tillit tekið til þeirra en aldrei svo að það bitni á hrossum og knöpum. Á áningarstöðum er stoppað, spjallað, hestunum brynnt og fræðst um það sem fyrir augu ber. Saga héraðsins er rík, bæði hvað varðar menningu og náttúru.

Af nægu er að taka fyrir þá sem vilja forvitnast um þetta fallega hérað – Síðu.

Ferðast er á góðum hestum, öruggum og vönum mismunandi knöpum. Leiðsögumenn halda vel utan um hópinn, svo hver og einn fái að njóta sín til fullnustu í ferðinni.

Við skipuleggjum ferðina með leiðsögn um svæðin sem óskað er eftir að ferðast um.

Hafið samband til að fá frekari upplýsingar um verð og fyrirkomulag á netfangið booking@horgslandhorses.is

  • Lágmark eru 6 knapar í ferð

  • Innifalið eru hestar, gisting, matur og trúss

  • Leiðsögn með knapa menntuðum frá Leiðsöguskólanum